Li tkun organizzazzjoni integrata u motivata fi ħdan netwerk multidixxiplinarju, li taħdem flimkien mad-dipartimenti kollha biex tikseb l-Akkwist bla xkiel ta’ Provvisti, Xogħlijiet u Servizzi b’valur miżjud fis-Sistema tal-Kura tas-Saħħa tal-Gvern, ibbażat fuq il-prinċipji ta’ ġustizzja, trasparenza u nuqqas ta’ diskriminazzjoni bejn l-operaturi ekonomiċi u li tippromwovi l-aħjar valur għall-flus.
L-Istrateġija fi ħdan is-CPSU tqis l-opportunitajiet ta’ nfiq influwenti, konsolidazzjoni u razzjonalizzazzjoni assoċjati mal-istimulazzjoni tas-swieq u l-akkwist ta’ oġġetti, xogħlijiet u servizzi tajbin għall-iskop li jwasslu għal standards ta’ kwalità, għażla u li jiksbu l-aħjar valur għall-flus. Essenzjalment id-direzzjoni strateġika u l-prestazzjoni ta’ din l-Organizzazzjoni, bħala unità ta’ negozju se jkunu allinjati mal-prijoritajiet nazzjonali u lokali ta’ Strateġija tal-Kura tas-Saħħa li tagħti standards tal-kura tas-saħħa ta’ klassi dinjija. Mibnija fuq sett ewlieni ta' objettivi, valuri u prijoritajiet li: "Iżżid valur għall-akkwist u l-katina tal-provvista, għal dejjem" li għandhom jinkludu wkoll għadd ta' strateġiji komponenti biex jippermettu prestazzjoni strateġika.
