Taħt ir-Regolament Ġenerali dwar il-Protezzjoni tad-Data, għandek drittijiet li tajjeb li tkun konxju dwarhom:
- Dritt ta’ aċċess: għandek id-dritt li titlobna kopji tal-informazzjoni personali tiegħek. Dan id-dritt dejjem japplika iżda hemm xi eżenzjonijiet, li jfisser li mhux dejjem tirċievi l-informazzjoni kollha li nipproċessaw.
- Dritt għal rettifika: għandek id-dritt li titlobna biex nirrettifikaw l-informazzjoni li taħseb li mhix preċiża u d-dritt li titlobna nimlew l-informazzjoni li taħseb li mhix kompluta.
- Id-dritt tiegħek għat-tħassir: għandek id-dritt li titlobna nħassru l-informazzjoni personali tiegħek f’ċerti ċirkostanzi.
- Dritt għal restrizzjoni tal-ipproċessar: għandek id-dritt li titlobna nirrestrinġu l-ipproċessar tal-informazzjoni tiegħek f’ċerti ċirkostanzi.
- Dritt li toġġezzjona għall-ipproċessar: għandek id-dritt li toġġezzjona għall-ipproċessar jekk aħna nistgħu nipproċessaw l-informazzjoni tiegħek minħabba li l-proċess jifforma parti mill-kompiti pubbliċi tagħna, jew huwa fl-interessi leġittimi tagħna.
- Dritt għall-portabbiltà tad-data: Japplika biss għall-informazzjoni li tajtna. Għandek id-dritt li titlob li nittrasferixxu l-informazzjoni li tajtna minn organizzazzjoni għal oħra, jew inkella nagħtuha lilek. Id-dritt japplika biss jekk qed nipproċessaw informazzjoni bbażata fuq il-kunsens tiegħek, jew qegħdin f’taħdidiet dwar id-dħul f’kuntratt u l-ipproċessar ikun awtomatizzat.
Biex teżerċita d-drittijiet tiegħek, ġentilment imla l-Formola ta’ Talba għall-Aċċess għas-Suġġett tad-Data mehmuża u uża kwalunkwe mill-metodi hawn taħt biex tagħtina l-informazzjoni.
Post:
Uffiċjal għall-Protezzjoni tad-Data
Central Procurement and supplies Unit (Uffiċċju Prinċipali)
22, Level 2, Triq it-Torri,
Swatar BKR4012
Malta
Imejl: [email protected]